ಮಹಾಶಿವರಾತ್ರಿಯ ಹಬ್ಬವು ಶಿವನ ಭಕ್ತರಿಗೆ ಅತ್ಯಂತ ಮಹತ್ವದ್ದಾಗಿದೆ. ಈ ದಿನ ಭಕ್ತರು ಭಗವಂತನನ್ನು ಮೆಚ್ಚಿಸಲು ವಿಧವಿಧವಾಗಿ ಅರ್ಚಿಸುತ್ತಾರೆ. ಗಂಗಾ ನದಿ ಸೇರಿದಂತೆ ದೇಶದ ವಿವಿಧ ಭಾಗಗಳ ನದಿಗಳ ಪವಿತ್ರ ನೀರಿನಿಂದ ಶಿವಲಿಂಗವನ್ನು ಅಭಿಷೇಕಿಸಲಾಗುತ್ತದೆ. ಭಗವಾನ್ ಶಿವನನ್ನು ಮೆಚ್ಚಿಸಲು ಹೂವು ತುಳಸಿಗಳಂತಹ ಶಿವನಿಗೆ ಇಷ್ಟವಾದ ಪದಾರ್ಥಗಳನ್ನು ಅರ್ಪಿಸಲಾಗುತ್ತದೆ. ಭಕ್ತರು ಈ ದಿನ ಶಿವನನ್ನು ಪೂಜಿಸಿ ಉಪವಾಸ ಮಾಡುತ್ತಾರೆ. ಶಿವರಾತ್ರಿಯಂದು ಉಪವಾಸ ಮಾಡುವವರು ಬಹಳ ಮಂದಿ ಇದ್ದಾರೆ. ಆದ್ದರಿಂದ ಶಿವರಾತ್ರಿಯ ಉಪವಾಸವನ್ನು ಹೇಗೆ ಪ್ರಾರಂಭಿಸಬೇಕು ಎಂದು ತಿಳಿಯುವುದು ಮುಖ್ಯವಾಗಿದೆ. ಜನರು ಉಪವಾಸಕ್ಕಾಗಿ ವಿಭಿನ್ನ ನಿಯಮಗಳನ್ನು ಹೊಂದಿದ್ದಾರೆ. ಈ ಉಪವಾಸದ ಸಮಯದಲ್ಲಿ ಕೆಲವರು ಏನನ್ನೂ ಸೇವಿಸದೇ ಕಳೆದರೆ ಇನ್ನೂ ಕೆಲವರು ಕೇವಲ ಹಣ್ಣುಗಳನ್ನು ತಿನ್ನುತ್ತಾರೆ. (Maha Shivaratri 2022)

ದಿನವಿಡೀ ಏನನ್ನೂ ತಿನ್ನದೇ ರಾತ್ರಿ ಒಮ್ಮೆ ಮಾತ್ರ ತಿನ್ನುವವರೂ ಇದ್ದಾರೆ. ಮೊದಲ ಬಾರಿಗೆ ಈ ಉಪವಾಸವನ್ನು ಪ್ರಾರಂಭಿಸುವವರಿಗೆ ಈ ಉಪವಾಸವನ್ನು ಹೇಗೆ ಪ್ರಾರಂಭಿಸಬೇಕೆಂದು ತಿಳಿದಿಲ್ಲ. ಹಾಗಾಗಿ ಇಂದು ನಾವು ಶಿವರಾತ್ರಿಯ ಉಪವಾಸದ ಸಮಯದಲ್ಲಿ ನೀವು ಏನು ತಿನ್ನಬಹುದು ಎಂದು ಇಲ್ಲಿದೆ. (Shiva Maha Shivaratri Foods)

ಪಾನೀಯಗಳು
ನೀವು ಶಿವರಾತ್ರಿಯಂದು ಉಪವಾಸ ಮಾಡುತ್ತಿದ್ದರೆ, ಪೂಜೆಯನ್ನು ಮಾಡಿದ ನಂತರ ನೀವು ಆರೋಗ್ಯಕರ ಪಾನೀಯದೊಂದಿಗೆ ದಿನವನ್ನು ಪ್ರಾರಂಭಿಸಬೇಕು. ಇದು ನಿಮ್ಮನ್ನು ದಿನವಿಡೀ ಶಕ್ತಿಯುತವಾಗಿರಿಸುತ್ತದೆ. ಉಪವಾಸವು ದೇಹದಲ್ಲಿ ನೀರಿನ ಕೊರತೆಯನ್ನು ಉಂಟುಮಾಡಬಹುದು. ಆದ್ದರಿಂದ ಜ್ಯೂಸ್, ನಿಂಬೆ ನೀರು, ತೆಂಗಿನಕಾಯಿ ನೀರಿನಿಂದ ದಿನವನ್ನು ಪ್ರಾರಂಭಿಸಿ. ಇದು ನಿಮ್ಮನ್ನು ಆರೋಗ್ಯವಾಗಿರಿಸಿಕೊಳ್ಳಲು ಅನುವು ಮಾಡಿಕೊಡುತ್ತದೆ.

ಒಣ ಹಣ್ಣುಗಳು
ಉಪವಾಸದ ಸಮಯದಲ್ಲಿ, ನೀವು ಆಹಾರದಲ್ಲಿ ಬೆರಳೆಣಿಕೆಯಷ್ಟು ಒಣ ಹಣ್ಣುಗಳನ್ನು ಸೇರಿಸಿಕೊಳ್ಳಬೇಕು. ಒಣ ಹಣ್ಣುಗಳು ದೇಹವು ದುರ್ಬಲವಾಗುವುದನ್ನು ತಡೆಯುತ್ತದೆ ಮತ್ತು ದೀರ್ಘಕಾಲದವರೆಗೆ ಹೊಟ್ಟೆಯನ್ನು ತುಂಬಿರುತ್ತದೆ. ಒಣ ಹಣ್ಣುಗಳನ್ನು ತಿನ್ನುವುದರಿಂದ ದೇಹಕ್ಕೆ ಚೈತನ್ಯ ಸಿಗುತ್ತದೆ.

ತರಕಾರಿಗಳು
ಉಪವಾಸದ ದಿನದಂದು ನೀವು ಆಲೂಗಡ್ಡೆ, ಸೋರೆಕಾಯಿ, ಕುಂಬಳಕಾಯಿಗಳ ನ್ನು ಸಹ ಬೇಯಿಸಿ ತಿನ್ನಬಹುದು. ಈ ತರಕಾರಿಗಳನ್ನು ಶುದ್ಧ ಸಾತ್ವಿಕ ಆಹಾರವೆಂದು ಪರಿಗಣಿಸಲಾಗಿದೆ. ನೀವು ಅವುಗಳನ್ನು ಶುದ್ಧ ತುಪ್ಪದಲ್ಲಿ ಹುರಿಯಬಹುದು. ನೀವು ತರಕಾರಿಗಳಿಗೆ ಹಸಿರು ಮೆಣಸಿನಕಾಯಿ ಮತ್ತು ಕಲ್ಲು ಉಪ್ಪನ್ನು ಸೇರಿಸಬಹುದು. ಈ ತರಕಾರಿಗಳನ್ನು ದೇಹಕ್ಕೆ ಆರೋಗ್ಯಕರವೆಂದು ಪರಿಗಣಿಸಲಾಗುತ್ತದೆ.

ಹಣ್ಣು
ಶಿವನನ್ನು ಪೂಜಿಸಲು ಶ್ರಾವಣ ಮಾಸದಲ್ಲಿ ಸೋಮವಾರದಂದು ಉಪವಾಸ ಮಾಡುವಂತೆಯೇ, ಈ ದಿನವೂ ನೀವು ಸಾಕಷ್ಟು ಹಣ್ಣುಗಳನ್ನು ತಿನ್ನಬಹುದು. ನೀವು ಬಾಳೆಹಣ್ಣು, ಸೇಬು, ಕಿತ್ತಳೆ, ದಾಳಿಂಬೆ ಮುಂತಾದ ಹಣ್ಣುಗಳನ್ನು ತಿನ್ನಬಹುದು. ಇದು ದೇಹವನ್ನು ನಿರ್ಜಲೀಕರಣದಿಂದ ರಕ್ಷಿಸುತ್ತದೆ ಮತ್ತು ನಿಮ್ಮ ಹೊಟ್ಟೆ ಕೂಡ ತುಂಬಿರುತ್ತದೆ.

ಆಹಾರ
ಉಪವಾಸದ ಸಮಯದಲ್ಲಿ ಆಹಾರವನ್ನು ಸೇವಿಸುವುದನ್ನು ನಿಷೇಧಿಸಲಾಗಿದೆ. ಆದರೆ ಬಾಲಕರು, ವೃದ್ಧರು, ಅಶಕ್ತತೆ ಇರುವವರು, ರೋಗಗಳು ಖಂಡಿತವಾಗಿಯೂ ಅಗತ್ಯಕ್ಕೆ ತಕ್ಕಂತೆ ಆಹಾರ ಸೇವಿಸಬಹುದಾಗಿದೆ.

ಇದನ್ನೂ ಓದಿ: ಪ್ರಭಾಸ್ ಅವರ ರಾಧೇಶ್ಯಾಮ್ ಗೆ ಶಿವರಾಜ್ ಕುಮಾರ್ ಸೇರ್ಪಡೆ
(Maha Shivaratri 2022 fasting on holy day of Shiva food tips )