ನವದೆಹಲಿ: ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ಮತ್ತು ವಯನಾಡು ಲೋಕಸಭಾ ಕ್ಷೇತ್ರದ ಸಂಸದ ರಾಹುಲ್ ಗಾಂಧಿ ಅವರ ಟ್ವಿಟರ್ ಖಾತೆಯನ್ನು ಫಾಲೋ ಮಾಡುತ್ತಿರುವವರ ಸಂಖ್ಯೆ 2 ಕೋಟಿ ದಾಟಿದೆ. ಇದು ಅವರ ಖಾತೆಯನ್ನು ಬಾಹ್ಯ ಪ್ರಭಾವದಿಂದ ನಿಯಂತ್ರಿಸಲಾಗುತ್ತಿತ್ತು ಎಂಬುದನ್ನು ಈ ಏರಿಕೆ ಎತ್ತಿ ತೋರಿಸಿದೆ ಎಂದು ಎಂದು ಕಾಂಗ್ರೆಸ್ ಹೇಳಿದೆ.
ತಮ್ಮ ಟ್ವಿಟರ್ ಖಾತೆಯ ಮೇಲೆ ಬಾಹ್ಯ ಪ್ರಭಾವ ಮೊದಲಿನಿಂದಲೂ ಇದೆ ಎಂಬ ಶಂಕೆ ಇದೆ. ಆದರೆ, ಭಾರತದಲ್ಲಿ ಕಾರ್ಯಚಟುವಟಿಕೆ ನಡೆಸುವ ಟ್ವಿಟರ್ ಮುಕ್ತತೆ ಮತ್ತು ಅಭಿವ್ಯಕ್ತಿ ಸ್ವಾತಂತ್ರ್ಯಯವನ್ನು ಗೌರವಿಸುತ್ತದೆ ಎಂದು ಭಾವಿಸಿರುವೆ ಎಂದು ಟ್ವಿಟರ್ ಸಿಇಒ ಪರಾಗ್ ಅಗರ್ವಾಲ್ಗೆ ಕಳೆದ ಡಿಸೆಂಬರ್ನಲ್ಲಿ ಬರೆದಿದ್ದ ಪತ್ರದಲ್ಲಿ ರಾಹುಲ್ ಗಾಂಧಿ ಹೇಳಿದ್ದರು.
2021ರ ಆಗಸ್ಟ್ನಿಂದ ತಮ್ಮ ಖಾತೆ ಮತ್ತು ಫಾಲೋವರ್ಗಳನ್ನು ನಿಯಂತ್ರಿಸಲಾಗುತ್ತಿದೆ. ಈ ಮಧ್ಯೆ ಕೆಲವು ಕಾಲ ತಮ್ಮ ಟ್ವಿಟರ್ ಖಾತೆಯನ್ನು ಬ್ಲಾಕ್ ಮಾಡಲಾಗಿತ್ತು ಎಂದು ರಾಹುಲ್ ದೂರಿನಲ್ಲಿ ಉಲ್ಲೇಖಿಸಿದ್ದರು.
ರಾಹುಲ್ ಅವರ ದೂರಿಗೆ ಪ್ರತಿಕ್ರಿಯಿಸಿದ್ದ ಟ್ವಿಟರ್ ವಕ್ತಾರ ತಿರುಚುವಿಕೆ ಅಥವಾ ಬಾಹ್ಯ ಪ್ರಭಾವವನ್ನು ತಮ್ಮ ಸಂಸ್ಥೆ ಸಹಿಸುವುದಿಲ್ಲ ಎಂದಿದ್ದರು.
ಈ ದೂರು ದಾಖಲಾಗುವುದಕ್ಕೂ ಮುನ್ನ ಅವರ ಟ್ವಿಟರ್ ಖಾತೆಯ ಅನುಸರಣೆಯಲ್ಲಿ ನಿತ್ಯ ಸರಾಸರಿ 2.30 ಲಕ್ಷ ಏರಿಕೆ ಇತ್ತು. ಆದರೆ ಬಾಹ್ಯ ಪ್ರಭಾವದಿಂದ ನಿಯಂತ್ರಣಕ್ಕೆ ಒಳಪಟ್ಟ ನಂತರ ಈ ವೇಗಕ್ಕೆ ಕಡಿವಾಣ ಬಿತ್ತು. 1.96 ಲಕ್ಷಕ್ಕೆ ಬಂದನಂತರ ಫಾಲೋವರ್ಗಳ ಏರಿಕೆ ಪ್ರಮಾಣದಲ್ಲಿ ತುಸು ತುಸುವೇ ಕಡಿಮೆಯಾಯಿತು ಎಂದು ಕಾಂಗ್ರೆಸ್ನ ವಕ್ತಾರರಾದ ಸುಪ್ರಿಯಾ ಶ್ರೀನಿತೆ ಹೇಳಿದ್ದಾರೆ.
ಇದನ್ನೂ ಓದಿ: Chitra Ramakrishna Arrested: ಎನ್‌ಎಸ್‌ಇ ಮಾಜಿ ಎಂಡಿ ಚಿತ್ರಾ ರಾಮಕೃಷ್ಣ ಬಂಧನ
(Rahul Gandhi has 20 million followers on Twitter)